Text & Rap: MQ
Gesang: Jahmool
Musik: Undercover Molotov
Gitarre: Migre le Tigre
lyrics
schlüssuband umä haus/ daheim wartet nur d`fertigpizza/
scheidigsching/ sini euterä hei beidi zwenig zit gha/
är drfür viu zviu nur unsinn im chopf/
kes offnigs ohr für gsetz und diä hundert verbot/
chisusteinä wärdä feusä - är füuht sech z schwach drfür/
louft bückt dür diä last dr rucksack het sech langsam gfüut/
soviu standart-müu/ woner ir hand niä tragä würd/
sini angst bewürkt/ das är nid stoppt bis`ne ganz erdrückt/
het müessä lehrä dasme mängisch ungedürä mues/
so ertreit är au di gfühu/ nur chauti füess/ gspürä d`gluät/
o we paar täg/ agnähm/ si loufts niä würklech guät/
nach grossgschrittnä/ fortschrittä/ gspürt är nur dr drückend schuäh/
offni ouge drückt är zuä/ dräiht sech um und ignoriert/
d`wuät stout sech i sim buuch/ bis är de irgendwen explodiert/
meint är sig unbeliebt/ würkt unmotiviert/
doch steit immer einisch meh uf aus är umgworfä wird/
zeig am räscht das si nid rächt hei gha/
i weiss du schaffsch das/ am schluss steisch mitme lächlä da/
wen nid i däm vilech im nächstä jahr/
du muess nur dran blibä/ druck isch zum brächä da/
zeig am räscht das si nid rächt hei gha/
i weiss du packsch das/ kämpfsch ou amne schlächtä tag/
wen nid i däm vilech im nächstä jahr/
genau den we niemer me mit dir hätt grächnet gha/
är het sech fokusiert druf gha/ aues richtig z`mache/
so fest das är sech nüm konzentrierä cha/
dr yfer stiigt sit jahrä/ scho fasch fieberhaft/
är staplet tief/ machts us liebi/ doch kassiert nur hass/
ds signe z`wiud und z`roh/ passt nid id biudigsnorm/
isch ou egau/ den är hautet/ eh nid viu drvo/
geit wie im fium ko/ und füuht sech wiuelos/
niemer macht sich um ihn sorgä/ lieber no es biud drvo/
winer so/ am bodä ligt am änd vo sinä chräft/
si schutte ufnä y bis si dänke das är nüm läbt/
är lächlet trotz`em schmärz/ steit uf und rückt dr chragä z`rächt/
het ke angst vorem gah/ wüu är jedä tag het gläbt/
si wartä ab suechä nä bis si nä widr findä/
är drückt si chopf ufs pult und hofft das si verschwindä/
blindi wuät/ schindet di inneri ruäh/ bis ärs nümä gseht/
är het ke angst nid z`gwinnä/ wüu är nüm z verlürä het/
UK rapper and composer Oscar reconnects with his youth on a sleek, diaristic LP influenced by ’90s hip-hop and '00s R&B. Bandcamp New & Notable Apr 21, 2024