für jedes fauschä wort/ loufsch tagelang mit ougeringä umä/
und du gloubsch ihm immer/ das är di nüm hout/ für paar stundä/
scho widr blaui ouge meinsch du heigsches haut verdiänt/
aber niä/ würd di einä so behandlä wener di liäbt/
di blauä fläckä/ chasch dir au erklärä/ wosch di nidmau beschwärä/
är sig haut ernährer/ mir machä doch aui fähler/
isch sonä seriösä ma/ me würds ihm ou nid agseh/
daser di schlaht/ fasch jedä tag/ wener gad widrmau schwarz gseht/
verrisst dir d`chleider wüud di schyns z`schlampig aleisch/
in wahrheit/ heter nur angst das ufnä anderä ma steisch/
nach jedem schlag seit/ di chopf dir dasd muesch gah/
doch alleini fühusch di z`schwach/ drum blibsch du schlussändlech da/
aber di narbä blibä lenger ou wen d`wundä verheilt/
oder eiteret ds zeigt dir/ dases unger d`huut geit/
ohni basis chasch nid boue s`git ke hoffnig uf veränderig/
es geit witer bis zum tod oder bis z`opfer zumne täter wird/

jedä het si schmärz woner treit/
o wemä seit/ jedi wundä heilt mit dr zyt/
me chunt kei schritt witer wemä dr wäg nid weiss/
si weis vergässä und verdrängä wär si sy/

wen är jederä seit si sigi di einzigi und ou so eimalig/
cha das keni gloubä jedi weiss genau/ das seit är aunä/
nur du wosches nid wahr ha/ ignoriersch jedi tatsach/
i hoffä für di das du irgendwen mau ufwachsch und afasch/
dis läbä z`läbä und di nümä lasch la kontrollierä/
während är kontrouä verlürt aber no duät aus würd är di liebä/
merkschs wen är di brucht/ aber s`duet weh/ wener drufschisst/
di alügt und seit är sigi nur mit sinä jungs im klub gsi/
du weisches är het hingerdüre/ geng no mehreri hingertürä/
git sech ds obwou är weiss/ dases froue immer gspüre/
wosch ihn für immer für di/ gfangä i dim wahn/
o we du nüm a ihn wetsch dänkä roubt är dir immer no di verstand/
aui hei di gwarnt/ verdammt/ aber du bisch z`labiu/
iz nur no ä teil vo sim plan/ hesch vergässä wo dini ziu si/
es git viu striit/ so trochnet dr bodä di pflanzä wachst nur eismau/
s`geit witer bis ir klapsä landisch oder ihm aus mau heimzausch/